UEFA Çempionlar Liqasının yarımfinalında “Barselona” “Bavariya”, “Yuventus” isə “Real Madrid” ilə qarşılaşacaq

Bakı, 24 aprel, AZƏRTAC

Aprelin 24-də futbol üzrə Çempionlar Liqası yarışlarının yarımfinal mərhələsinin püşkü atılıb.

AZƏRTAC xəbər verir ki, İsveçrənin Nyon şəhərində təşkil olunan püşkatmanın nəticəsinə əsasən, “Barselona” komandası “Bavariya” kollektivi ilə qarşılaşacaq. “Yuventus” isə “Real Madrid” ilə üz-üzə gələcək.

Yarımfinal mərhələsinin oyunları mayın 5-6-da və 12-13-də keçiriləcək. Həlledici oyun – final qarşılaşması isə iyunun 6-da Berlindəki Olimpiya stadionunda təşkil olunacaq.