İDMAN


UEFA-nın sabiq prezidenti FIFPro başçısının müşaviri təyin olunub

Bakı, 22 yanvar, AZƏRTAC

Avropa Futbol Assosiasiyaları İttifaqının (UEFA) sabiq başçısı Mişel Platini Futbolçuların Beynəlxalq Həmkarlar İttifaqının (FIFPro) prezidenti Filip Pyanın müşaviri vəzifəsinə təyin edilib. Bu barədə məlumatı Assoşieyted Press Agentliyi yayıb.

AZƏRTAC TASS agentliyinə istinadla xəbər verir ki, Beynəlxalq Futbol Assosiasiyaları Federasiyasının (FIFA) vitse-prezidenti vəzifəsini də tutan Platini 2015-ci ilin sonunda FIFA-nın etika komitəsi tərəfindən futbol fəaliyyətindən uzaqlaşdırılıb. Uzaqlaşdırma müddəti ötən ilin oktyabrında başa çatıb.

Pya deyib: “Platini unikal ünsiyyət vərdişlərinə, biliklərə malikdir. O, vacib adamdır. Onu dinləyəcəklər. Mən onu 1972-ci ildən tanıyıram. O, UEFA-nın prezidenti olanda, öz ideyalarını həyata keçirə bilirdi. Mişel Platini olduğuna görə onu ən yüksək səviyyədə dinləyirdilər”.

FIFA-ya 1998-ci ildən rəhbərlik edən Yozef Blatterin 2011-ci ildə qurumun vəsaitindən 2 milyon İsveçrə frankını Platininin hesabına köçürməsi onun kənarlaşdırılması üçün əsas olub. Platini FIFA-nın etika komitəsinin arbitraj palatası tərəfindən 8 il müddətinə futbol fəaliyyətindən kənarlaşdırılıb. 2016-cı ilin fevralında FIFA-nın apellyasiya komitəsi həmin müddəti azaldaraq 6 ilə endirib. Sonralar məmur İdman Arbitraj Məhkəməsinə (CAS) apellyasiya şikayəti verib. CAS isə diskvalifikasiya müddətini azaldaraq 4 ilə endirib.

FIFPro-ya futbolçuların 63 həmkarlar ittifaqı daxildir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.