ELM VƏ TƏHSİL


“UNEC Tədqiqat Fondu” yaradılıb

Bakı, 19 sentyabr, AZƏRTAC

Azərbaycan Dövlət İqtisad Universitetində (UNEC) elmi şuranın iclası keçirilib. Tədbirdə yeni tədris ili “Elmi tədqiqat ili” elan edilib.

UNEC-dən AZƏRTAC-a bildirilib ki, universitetin rektoru, professor Ədalət Muradov qarşıya qoyulan hədəflər naminə qazanılan uğurlardan danışıb.

Rektor qeyd edib ki, 2016/2017-ci tədris ilinin yay imtahan sessiyasının nəticələrinə görə, müvəffəqiyyət göstəricisi 85 faiz, keyfiyyət göstəricisi 45 faiz olub. Bu il qəbul planı yerləri ötən iki illə müqayisədə yenə də yüksək nəticə ilə - 96,6 faiz yerinə yetirilib. Fakültələr üzrə daha yüksək göstərici maliyyə və mühasibat fakültəsində qeydə alınıb. Bu il ən yüksək bal toplayanların UNEC-ə qəbul sayında da ciddi irəliləyiş müşahidə olunub. İkinci ixtisas qrupu üzrə 600 və daha yüksək bal toplayan 481 nəfərin 60 faizi UNEC-i seçib. İkinci ixtisas qrupu üzrə 700 bal yığan hər iki abituriyent UNEC-ə üstünlük verib. Beləliklə, 600 və daha yüksək balla UNEC-ə qəbul olunan 290 abituriyentdən 70-i 650-680, 17-si isə 680-700 bal toplayıb. İkinci ixtisas qrupu üzrə Prezident təqaüdünə layiq görülənlərin 74 faizi UNEC-in tələbəsidir.

UNEC-də yeni tədris ili “Elmi tədqiqat ili” elan edilib. Həmçinin “UNEC Tədqiqat Fondu” təsis olunub. Fondun məqsədi yerli və beynəlxalq ekspertlərin cəlb edilməsi ilə elmi tədqiqatların aparılması, tədqiqatların nəticələrinin tədqiqinə dair təkliflərin hazırlanmasıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.