ELM VƏ TƏHSİL


UNEC VIII Bakı Beynəlxalq Kitab Sərgisində təmsil olunur

Bakı, 5 oktyabr, AZƏRTAC

Oktyabrın 5-də açılışı olan VIII Bakı Beynəlxalq Kitab sərgisində Azərbaycan Dövlət İqtisad Universitetinin (UNEC) Kitabxana-İnformasiya Mərkəzi də öz stendi ilə təmsil olunub.

Bu barədə AZƏRTAC-a universitetdən məlumat verilib.

İqtisad Universitetinin stendi həm xüsusi dizaynı, həm də zəngin resursları ilə ziyarətçilərin böyük marağına səbəb olub. Burada UNEC KİM-in fonduna daxil olan müxtəlif çap məhsulları, o cümlədən UNEC alimlərinin Azərbaycan, rus, ingilis və türk dillərində nəşr olunmuş əsərləri, iqtisadiyyata dair tərcümə ədəbiyyatları, dünyanın nüfuzlu nəşriyyatlarının nəşrləri və tədris prosesində istifadə olunan digər əyani vəsaitlər nümayiş olunub.

UNEC-in Dizayn Məktəbinin təşkil etdiyi “Yaşıl iqtisadiyyat və mütaliə mədəniyyəti” adlı instalyasiyanı (canlı heykəl) sərgi ziyarətçiləri maraqla izləyiblər. Məktəbin tələbələri yaşıl ağac obrazında ekoloji təmiz iqtisadiyyatı, dirçələn Qarabağı, ətraf mühitə zərər vurmadan davamlı inkişafın təmin edilməsinin əhəmiyyətini göstərməklə yanaşı, sağlam mühitdə gənclərə oxu mədəniyyətinin aşılanmasının zəruriliyinə də diqqəti yönəltməyə çalışıblar.

Universitetin Kitabxana İnformasiya Mərkəzinin direktoru tarix üzrə fəlsəfə doktoru Adilə Abdullayeva ziyarətçilərə stenddə nümayiş olunan nəşrlər və instalyasiya barədə ətraflı məlumat verib.

UNEC stendində təşkil edilmiş Qarabağ guşəsi, eləcə də Dördüncü Sənaye İnqilabı guşəsi yerli və xarici ziyarətçilər tərəfindən xüsusi maraqla qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.