ELM VƏ TƏHSİL


UNEC-də Azərbaycan İstiqlal Muzeyinin eksponatlarından ibarət fotosərgi təşkil olunub

Bakı, 23 aprel, AZƏRTAC

Azərbaycan Dövlət İqtisad Universitetində (UNEC) Azərbaycan İstiqlal Muzeyinin eksponatlarından ibarət fotosərgi açılıb.

UNEC-dən AZƏRTAC-a bildirilib ki, Azərbaycan Xalq Cümhuriyyətinin (AXC) 100 illiyinə həsr olunan sərgidə Cümhuriyyətin qurucuları, əsgər və zabitlərinin, o cümlədən dövrün əhəmiyyətli sənədlərinin fotoları nümayiş etdirilir. Tələbələrin böyük marağına səbəb olan eksponatlar UNEC-in bütün tədris binalarında, Zaqatala filialında və Maliyyə-İqtisad Kollecində də sərgilənəcək.

Qeyd edək ki, AXC-nin 100 illik yubileyinin keçirilməsi ilə bağlı UNEC-in tədbirlər planı təsdiqlənib. Sənədə əsasən, UNEC-də “AXC dövründə Azərbaycanın sosial-iqtisadi inkişafı” mövzusunda elmi konfrans, seminar, açıq dərs və “dəyirmi masa”lar təşkil olunur. Tədbirlər planında “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində təhsil alan məzunların iştirakı ilə “Azərbaycan Xalq Cümhuriyyəti dövründə gənclərin xaricdə təhsili” mövzusunda forumunun keçirilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.