ELM VƏ TƏHSİL


UNEC-də keyfiyyəti idarəetmə sistemi üzrə icra sənədlərinin auditi aparılacaq

Bakı, 4 dekabr, AZƏRTAC

Azərbaycan Dövlət İqtisad Universitetində (UNEC) Türk Standartları İnstitutunun auditorları tərəfindən keyfiyyəti idarəetmə sisteminin (KİS) növbəti auditi keçiriləcək.

Bu məqsədlə UNEC-in müvafiq struktur bölmə rəhbərləri və nümayəndələrinin, eləcə də Türk Standartları İnstitutunun auditorlarının iştirakı ilə görüş keçirilib.

Universitetdən AZƏRTAC-a bildirilib ki, beynəlxalq əlaqələr və proqramlar üzrə prorektor, dosent Anar Rzayev audit prosesi barədə iştirakçılara məlumat verib. Bildirib ki, UNEC-də ISO standartlarına uyğun olaraq, keyfiyyəti idarəetmə sisteminin təkmilləşdirilməsi, eyni zamanda, bütün struktur bölmələri, mərkəz, fakültə və kafedralar üzrə icra sənədlərinin auditi aparılacaq. Auditi UNEC-in KİS üzrə auditorlarından və struktur bölmə rəhbərlərindən ibarət işçi qrupu həyata keçirəcək. A.Rzayev əməkdaşları audit prosesində fəal olmağa dəvət edib.

Qeyd edək ki, UNEC Azərbaycanda ISO 9001:2008 KİS üzrə beynəlxalq sertifikata layiq görülən ilk dövlət universitetidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.