ELM VƏ TƏHSİL


UNEC-də magistr və doktorantların beynəlxalq elmi konfransı təşkil olunacaq

Bakı, 28 may, AZƏRTAC

Mayın 29-31-də Azərbaycan Dövlət İqtisad Universitetinin (UNEC) təşkilatçılığı ilə “II. İqtisadiyyat və idarəetmə sahəsində magistr və doktorantların beynəlxalq elmi konfransı” təşkil olunacaq.

UNEC-dən AZƏRTAC-a bildirilib ki, distant formada təşkil olunacaq beynəlxalq konfransda ümumilikdə dünyanın 21 ölkəsindən 325 gənc tədqiqatçı 65 bölmədə məruzə ilə çıxış edəcək.

Mayın 29-da keçiriləcək açılış mərasimində UNEC-in rektoru, professor Ədalət Muradov, Təhsil nazirinin müavini Firudin Qurbanov, "Paşa Holdinq"in baş icraçı direktoru Cəlal Qasımov, Beynəlxalq Magistratura və Doktorantura Mərkəzinin direktoru, dosent Fariz Əhmədov çıxış edəcəklər.

Beynəlxalq konfransda ABŞ, Rusiya və Türkiyənin nüfuzlu ali təhsil müəssisələrinin magistr və doktorantlarının iştirakı ilə 4 dildə (Azərbaycan, ingilis, rus və türk) plenar çıxışlar olacaq.

Konfransın açılış mərasimi UNEC-in rəsmi "Facebook" səhifəsi, "YouTube" kanalı və konfransın rəsmi saytından canlı olaraq Azərbaycan və ingilis dillərində yayımlanacaq. Konfrans seksiyaları isə "Zoom" proqramı vasitəsilə distant olaraq təşkil olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.