ELM VƏ TƏHSİL


UNEC-də tələbə senatı və auditinin yaradılmasına dair qərar qəbul edilib

Bakı, 18 oktyabr, AZƏRTAC

Azərbaycan Dövlət İqtisad Universitetinin (UNEC) rektoru, professor Ədalət Muradov tələbə təşkilatlarının sədrləri və fəal tələbələrlə görüşüb.

UNEC-dən AZƏRTAC-a bildirilib ki, görüşdə Ədalət Muradov ali təhsil müəssisəsinin tələbə mərkəzli universitet olması istiqamətində tətbiq olunan yeniliklərdən və “UNEC-100” inkişaf strategiyasının hədəflərindən söz açıb. Tələbələrin sosial layihələrinin sayının artırılmasının, ixtisaslaşmış yeni tələbə təşkilatlarının yaradılmasının vacibliyindən danışan rektor, dünyanın aparıcı universitetlərində mövcud olan “Tələbə senatı” və “Tələbə auditi”nin UNEC-də yaradılacağı barədə qərar qəbul edildiyini diqqətə çatdırıb.

Rektor UNEC-də xarici dilin tədrisində yeni standartların tətbiq olunduğunu, tələbələrin dil bilikləri ilə yanaşı, informatika texnologiyalarından istifadə bacarıqlarının yüksəldilməsi istiqamətində də bir sıra yeniliklərin həyata keçiriləcəyini vurğulayıb.

Görüşdə tələbələrin elmi fəaliyyətlərinin stimullaşdırılması məqsədilə bakalavr, magistr və doktorantların mükafatlandırılması qaydalarından danışılıb, impakt dərəcəsindən asılı olaraq nüfuzlu jurnallarda dərc edilən hər bir məqaləyə görə UNEC-in bakalavr və magistrlərinin 4 min manatadək mükafat qazanmaq imkanı diqqətə çatdırılıb. UNEC-in 3 tələbəsinin elmi məqaləyə görə mükafat qazandığı bildirilib.

Görüşdə tələbə təşkilatlarının sədrləri yeni layihələr barədə məlumat veriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.