ELM VƏ TƏHSİL


UNEC-in Dərbənd filialına sənəd qəbulu aparılır

Bakı, 5 avqust, AZƏRTAC

Azərbaycan Dövlət İqtisad Universitetinin (UNEC) Dərbənd filialına 2022/2023-cü tədris ili üçün bakalavriat pilləsi üzrə abituriyent qəbulu aparılır.

UNEC-dən AZƏRTAC-a bildirilib ki, qəbul maliyyə və kredit, mühasibat uçotu, təhlil və audit və ümumi iqtisadiyyat ixtisasları üzrə əyani, əyani-qiyabi və qiyabi təhsil forması üzrə təşkil olunur.

Təhsil üzrə plan yerlərinə qəbul büdcə hesabına və müqavilə ilə ödənişli əsaslarla həyata keçirilir. Təhsil müddəti əyani forma üzrə 4 il, əyani-qiyabi forma üzrə 4 il 6 ay, qiyabi forma üzrə 5 ildir.

Rusiya Federasiyasının vətəndaşları bu ölkənin mövcud qaydalarına uyğun olaraq Vahid Dövlət İmtahanı əsasında qəbul edilir.

Xarici ölkələrin vətəndaşları üçün qəbul riyaziyyat, rus dili və xarici dil fənləri üzrə keçirilir. Azərbaycan Respublikasının vətəndaşları üçün isə qəbul imtahanları riyaziyyat, coğrafiya, Azərbaycan və ya rus dili fənləri üzrə aparılır.

Qəbul barədə ətraflı məlumatı UNEC-in və Dərbənd filialının rəsmi saytlarından əldə etmək mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.