ELM VƏ TƏHSİL


UNEC-in Fransanın Montpelye Universiteti ilə ikili diplomları təqdim edilib

Bakı, 6 avqust, AZƏRTAC

Azərbaycan Dövlət İqtisad Universitetinin (UNEC) Fransanın Montpelye Universiteti ilə ikili diplom proqramının məzunlarına diplomların təqdim olunması mərasimi keçirilib.

UNEC-dən AZƏRTAC-a bildirilib ki, məzunlarla görüşən rektor Ədalət Muradov hər iki universitetdə qazandıqları bilik və bacarıqların onların gələcək fəaliyyətlərində və karyeralarında faydalı olacağından əminliyini ifadə edib. Rektor bu il Montpelye Universitetinin ikili diplom proqramından 18 tələbənin məzun olduğunu, ümumilikdə isə 2018-ci ildən start verilən proqramda 46 tələbənin uğurla iştirak etdiyini bildirib. O, xarici universitetlərdə tətbiq olunan yeniliklərin və beynəlxalq təcrübənin ölkəmizə gətirilməsində bu gənclərin önəmli rol oynaya biləcəklərini diqqətə çatdırıb.

UNEC-də xarici ölkələrin aparıcı universitetləri ilə bakalavr və magistr təhsili üzrə 8 ikili diplom proqramı reallaşdırıldığını deyən rektor qısa zamanda iki yeni ikili diplom proqramına start veriləcəyini və proqramların sayının daha da artırılacağını bildirib.

Sonra məzunlar UNEC ilə Montpelye Universitetindəki təhsilin oxşar və fərqli tərəflərindən danışıblar, hər iki universitetin tədris prosesi, biliyin qiymətləndirilməsi, müəllim-tələbə münasibəti, akademik mühit barədə fikirlərini bölüşüblər.

Sonda məzunlara diplomlar təqdim olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.