ELM VƏ TƏHSİL


UNEC tələbələrinin növbəti uğuru: Startaplar ABB-də qəbul olundu

Bakı, 10 avqust, AZƏRTAC

Azərbaycan Beynəlxalq Bankının (ABB) İnnovasiya Mərkəzi, Azərbaycan Respublikası Rəqəmsal İnkişaf və Nəqliyyat Nazirliyi tabeliyində İnnovasiya və Rəqəmsal İnkişaf Agentliyinin tərəfdaşlığı ilə III ABB Hakatonu keçirilib.

UNEC-dən AZƏRTAC-a bildirilib ki, Hakaton Rəqəmsal İnkişaf və Nəqliyyat Nazirliyinin “Technest” təhsil proqramı çərçivəsində təşkil olunub. İdeya marafonunda iştirak üçün 257 nəfər müraciət edib, onlardan 187-si iştirak hüququ qazanıb.

UNEC-in Karyera Mərkəzinin təşkilatçılığı ilə keçirilən yarışda iştirak edən 67 komandadan 25 startap komandası seçilərək, ABB İnnovasiya Mərkəzinin III İnkubasiya proqramına qəbul edilib.

Seçilən startaplar arasında UNEC Dizayn Məktəbinin tələbəsi Nemət Cəfərov, UNEC Maliyyə və mühasibatlıq fakültəsinin tələbəsi Nübar İsrafilovanın layihələri yer alıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.