ELM VƏ TƏHSİL


UNESCO: Elm və Təhsil Nazirliyinin şöbə müdiri Beynəlxalq Ekspert Qrupunda səmərəli fəaliyyət göstərib

Bakı, 29 iyul, AZƏRTAC

UNESCO Baş katibinin təhsil məsələləri üzrə müavini Stefania Giannini Elm və Təhsil Nazirliyinin Ümumi və məktəbəqədər təhsildə məzmun, tədris, qiymətləndirmə şöbəsinin müdiri Vəfa Yaqubluya Beynəlxalq Ekspert Qrupunda səmərəli fəaliyyətinə görə təşəkkür məktubu ünvanlayıb.

Bu barədə AZƏRTAC-a Elm və Təhsil Nazirliyindən məlumat verilib. Bildirilib ki, məktub şöbə müdirinə UNESCO Beynəlxalq Anlaşma, Əməkdaşlıq və Sülh üçün Təhsil, İnsan Hüquqları və Əsas Azadlıqlarla bağlı Təhsil üzrə 1974-cü il Tövsiyə sənədinin yenidən nəzərdən keçirilməsi məqsədilə yaradılan Beynəlxalq Ekspert Qrupundakı səmərəli fəaliyyətinə görə göndərilib.

Qeyd edək ki, təhsil sahəsində 15 ildən artıq təcrübəsi olan, müvafiq hüquqi sənədlərin hazırlanmasında iştirak edən ekspertlər Beynəlxalq Ekspert Qrupuna seçilib. Ekspert Qrupu tərəfindən yenidən nəzərdən keçirilən və hazırlanan Beynəlxalq Anlaşma, Əməkdaşlıq və Sülh üçün Təhsil, İnsan Hüquqları və Əsas Azadlıqlarla bağlı Təhsil üzrə 1974-cü il Tövsiyə sənədinin 2023-cü ildə keçiriləcək UNESCO Baş Konfransının 43-cü sessiyasında qəbul edilməsi planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.