MƏDƏNİYYƏT


UNESCO tərəfindən qorunan ən böyük şirin su ekosistemi - Pantanal qoruğu

Bakı, 1 oktyabr, AZƏRTAC

Dünyada UNESCO tərəfindən qorunan ən böyük şirin su ekosistemlərindən biri də Braziliyanın Pantanal qoruq ərazisidir.

AZƏRTAC xəbər verir ki, Pantanal ərazisi dörd qoruğu özündə birləşdirir. Buraya Pantanal Milli Parkı, ümumi sahəsi 187 min 818 hektar olan Akurizal, Penha və Doroçe qoruqları daxildir.

Bölgənin iki böyük çay sistemi olan Kuyaba və Paraqvay çayları burada yerləşir və onun bitki örtüyü, eləcə də heyvanlar aləminin bolluğu, müxtəlifliyi heyrətamizdir.

Ərazi eyni zamanda nadir bəbir növlərini, armadillo, qarışqa yeyən, su samuru, maral və ən böyük tutuquşu növü də daxil olmaqla, nəsli kəsilməkdə olan çoxsaylı heyvan növlərini mühafizə edir. Burada olan bitkilərin sayı da diqqətəlayiqdir.

Qeyd edək ki, 2000-ci ildə UNESCO-nun Ümumdünya İrs Siyahısına daxil edilmiş Pantanal qoruq ərazisi bioloji müxtəlifliyin qorunması üçün son dərəcə vacibdir. Bu ərazi özünəməxsus, zəngin flora və faunası ilə seçilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.