DÜNYA


ÜST Avropada koronavirusla bağlı vəziyyətin ağırlaşdığını bildirib

Bakı, 17 sentyabr, AZƏRTAC

Avropada COVID-19 infeksiyasının yayılması ilə bağlı vəziyyət ağırlaşmağa başlayıb, lakin təlaş üçün əsas yoxdur.

AZƏRTAC xarici KİV-lərə istinadla xəbər verir ki, bu barədə Ümumdünya Səhiyyə Təşkilatının (ÜST) Avropadakı regional direktoru Hans Kluge jurnalistlər üçün təşkil olunan brifinqdə deyib.

“Gözümüz önündə ciddi vəziyyət cərəyan edir. Avropada gündəlik yoluxma hallarının miqdarı pandemiyanın qitədə pik həddə çatdığı mart ayındakı səviyyəni ötüb. Ötən həftə koronavirusa gündəlik yoluxma halları 300 min nəfəri keçib. Son iki həftə ərzində Avropa ölkələrinin yarıdan çoxundan yoluxma hallarının 10 faizdən çox artdığı barədə məlumatlar daxil olur”, - deyə Hans Kluge bildirib.

Onun sözlərinə görə, yoluxma hallarının əksəriyyəti 25-41 yaş arası insanlarda qeydə alınır. Virusla mübarizədə bütün Avropa ölkələrini həmrəyliyə çağıran Hans Klyuqqe onlara dəstək üçün mətbuat konfransını qoruyucu maskada keçirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.