DÜNYA


ÜST Çinin “Sinopharm” şirkətinin peyvəndini istifadə üçün təsdiqləyib VİDEO

Pekin, 7 may, AZƏRTAC

Ümumdünya Səhiyyə Təşkilatı (ÜST) Çinin “Sinopharm” şirkətinin COVID-19 virusu əleyhinə peyvəndini təcili istifadəyə təsdiqləyib.

AZƏRTAC Çin mediasına istinadla xəbər verir ki, bununla ÜST-ün COVID-19 virusu əleyhinə təcili istifadə üçün təsdiqlədiyi peyvəndlərin sayı 6-ya çatıb. “Sinopharm” peyvəndi ilə bağlı hesabatları təhlil edən ÜST-ün Peyvəndlər üzrə Müstəqil Ekspertlər Şurası (SAGE) 2 dozalı vaksinin 18 yaşdan yuxarı şəxslərə vurulmasına razılıq verib. Bu qərar “Sinopharm” peyvəndinin COVAX təşəbbüsü çərçivəsində paylanmasına imkan yaradacaq.

Güman olunur ki, yaxın günlərdə ÜST Çinin “Sinovac” şirkətinin “CoronaVac” peyvəndi barədə də oxşar qərar verəcək.

Qeyd edək ki, “Sinopharm” şirkətinin COVID əleyhinə peyvəndi təsirsiz hala gətirilmiş (inaktivləşmiş) vaksindir. Bu peyvəndlərin hazırlanmasında orqanizmdə ciddi xəstəliyə və ya əks-təsirə səbəb olmadan bədənin immunitet sistemini virusa məruz qoymaq üçün öldürülmüş virus hissəciklərindən istifadə olunub.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.