DÜNYA


ÜST: Meymunçiçəyi virusuna yoluxma halları idarə olunan səviyyədədir

London, 24 may, AZƏRTAC

Ümumdünya Səhiyyə Təşkilatı (ÜST) son günlər bəzi ölkələrdə müşahidə edilən meymunçiçəyi virusuna yoluxma hallarının idarə oluna bilən səviyyədə olduğunu açıqlayıb.

AZƏRTAC xəbər verir ki, ÜST-nin ekspertlərindən epidemioloq Mariya Van Kerkhove ictimaiyyətin virusla bağlı suallarını cavablandırarkən “Məqsədimiz virusun insandan insana keçməsinin qarşısını almaqdır” deyib.

ÜST rəsmilərindən Rosamund Lyuis bildirib ki, virusun mutasiyaya uğraması ilə bağlı onlarda məlumat yoxdur, lakin virus dəyişməyə meyillidir. Bildirib ki, indiyə qədər əldə edilən məlumatlara əsasən, çiçək vaksini meymunçiçəyi virusuna qarşı 85 faiz təsirlidir. Lyuis, hər kəsin meymunçiçəyi vaksini vurdurmasına ehtiyac olmadığını da bildirib. Normalda yalnız Afrika ölkələrində rast gəlinən meymunçiçəyi virusuna son vaxtlar Şimali Amerika və Avropa ölkələrində 100-dən çox insanda rast gəlinib.

Böyük Britaniyada meymunçiçəyi virusuna yoluxanların sayı 36 nəfərə çatıb.

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.