CƏMİYYƏT


ÜST meymunçiçəyi ilə bağlı beynəlxalq səviyyədə fövqəladə vəziyyətin elan olunmasını müzakirə edəcək

Cenevrə, 23 iyun, AZƏRTAC

Ümumdünya Səhiyyə Təşkilatının (ÜST) fövqəladə hallar komitəsi bu gün meymunçiçəyi virusunun yayılmasını beynəlxalq səviyyəli səhiyyə fövqəladə vəziyyəti elan edilməsi məsələsini müzakirə edəcək.

AZƏRTAC xəbər verir ki, meymunçiçəyinin son həftələrdə indiyədək rastlanmayan təxminən 30 ölkədə yayılması beynəlxalq qurum tərəfindən “qeyri-adi və narahatedici“ gedişat kimi dəyərləndirilib və komitənin növbədənkənar iclası çağırılıb.

Beynəlxalq qurumun epidemioloji vəziyyətlə bağlı qaydalarına görə, digər ölkələrə də sirayət edən “ciddi, qəfil, qeyri-adi və əvvəlcədən proqnozlaşdırıla bilməyən“ səhiyyə problemləri “beynəlxalq səviyyədə narahatlıq doğuran səhiyyə fövqəladə vəziyyəti” kimi dəyərləndirilir.

Komitə müvafiq qərar qəbul edərsə, bu zaman bir sıra beynəlxalq tədbirlərin görülməsi lazım gələcək.

Elgün Niftəli

AZƏRTAC-ın xüsusi müxbiri

Cenevrə

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.