CƏMİYYƏT
ÜST-nin Azərbaycandakı nümayəndəliyi Dənizkənarı Bulvarda tədbir keçirib
Bakı, 16 may, AZƏRTAC
Avropa İttifaqının (Aİ) maliyyələşdirdiyi və Ümumdünya Səhiyyə Təşkilatının (ÜST) həyata keçirdiyi Sağlamlıq üçün Həmrəylik Təşəbbüsü və COVID-19 əleyhinə vaksinasiyaya dəstək layihələri “Avropa şəhərciyi 2022” ənənəvi tədbirində aktiv iştirak edib.
AZƏRTAC ÜST-nin Azərbaycandakı nümayəndəliyinin rəsmi instaqram səhifəsinə istinadla bildirir ki, Bakı Dənizkənarı Bulvarında keçirilmiş tədbirdə EU4Health stendini ziyarət edən qonaqlar Aİ və ÜST-nin birgə hazırladığı layihələr haqqında ətraflı məlumat alaraq bir sıra əyləncəli və maraqlı aksiyalara qoşulublar.