İDMAN


U-23 Avropa çempionatında çıxış edəcək yunan-Roma güləşçilərimiz müəyyənləşib

Bakı, 18 may, AZƏRTAC

Şimali Makedoniyanın paytaxtı Skopyedə 23 yaşadək güləşçilər arasında Avropa çempionatı davam edir.

AZƏRTAC xəbər verir ki, qitə birinciliyinin son üç günündə yunan-Roma güləşçiləri mübarizə aparacaqlar.

Millimiz mayın 18-də Skopyeyə yollanıb. Yarışda ölkəmizi gənclərdən ibarət yığmamızın böyük məşqçisi Nurəddin Rəcəbov və məşqçi Həsən Əliyevin rəhbərliyi altında Zaur Əliyev (55 kq), Zaur Nuriyev (63 kq), Həsrət Cəfərov (67 kq), Xasay Həsənli (72 kq), Laçın Vəliyev (87 kq) və Sərxan Məmmədov (130 kq) təmsil edəcəklər.

Qeyd edək ki, mayın 20-də güləşin bu növü üzrə bütün çəkilər üzrə püşkatma mərasimi keçiriləcək. Növbəti gün 55, 63, 77, 87 və 130 kiloqram çəki dərəcələrində çıxış edən güləşçilər xalça üzərinə çıxacaqlar. Ertəsi gün 60, 67, 72, 82 və 97 kiloqram çəki dərəcələrində yarışan pəhləvanlar mübarizəyə qoşulacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.