CƏMİYYƏT


Ucarda oğurluğa cəhdin qarşısı polis əməkdaşlarının çevikliyi sayəsində alınıb

Bakı, 7 yanvar, AZƏRTAC

Yanvarın 5-də saat 22 radələrində Ucar rayonu ərazisindəki inzibati binaların birindən oğurluq edilməsi barədə rayon polis şöbəsinə məlumat daxil olub.

Daxili İşlər Nazirliyinin mətbuat xidmətindən AZƏRTAC-a bildiriblər ki, Göyçay Regional Mühafizə Şöbəsindən verilən məlumata əsasən polis əməkdaşları dərhal hadisə yerinə gəlib, müvafiq tədbirlər həyata keçirilib. Araşdırmalarla xidməti otaqların birindəki seyfin kəsici alətlə qırıldığı və onun içərisindəki pulun oğurlanmasına cəhd göstərildiyi müəyyən edilib.

Cinayət əməlini törətməkdə şübhəli bilinən Göyçay şəhər sakini Kənan İsmayılov polis əməkdaşlarının keçirdikləri əməliyyat-axtarış tədbirləri nəticəsində qısa müddətdə müəyyənləşdirilərək saxlanılıb.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.