REGİONLAR


Ucarda pambıq yığımına başlanılıb

Ucar, 14 sentyabr, AZƏRTAC

Ucar rayonunda “ağ qızıl” yığımına başlanılıb və bir neçə gündə əl ilə 25 ton məhsul toplanılıb.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, cari mövsümdə 5 inzibati ərazi dairəsində - Xələc, Lək, Yuxarı Şilyan, Boyat və Əlikənd ərazilərində 200 hektarda məhsul yetişdirilib. Artıq hər yerdə pambıq yığılır və bu işə 80 nəfərdən çox işçi qüvvəsi cəlb olunub. Toplanan pambıq “P-Aqro” MMC-nin Ucar filialına təhvil verilir.

Qeyd edək ki, yetişdirilən məhsulun 20 faizi əl ilə yığılacaq. Qalan sahələrin məhsulu isə maşınlarla toplanacaq. Bu məqsədlə 3 pambıqyığan kombayn hazır vəziyyətə gətirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.