REGİONLAR


Ucarda piyadanın ölümü ilə nəticələnən yol-nəqliyyat hadisəsi baş verib

Ucar, 1 dekabr, AZƏRTAC

Ucar rayonunda ağır yol qəzası baş verib. Belə ki, yük maşını yas mərasimindən qayıdan 72 yaşlı kişini vuraraq öldürüb.

AZƏRTAC-ın bölgə müxbiri xəbər verir ki, dəhşətli hadisə Bakı-Qazax magistralının Ucarın Ənvər Məmmədxanlı kəndindən keçən hissəsində qeydə alınıb. Qoşqulu “KamAZ” markalı yük maşını yolu keçən piyada - Kürdəmir rayon sakini, 1949-cu il təvəllüdlü Bəhrəm Şərif oğlu Dəmirovu vurub.

Mərhumun yaxınlarının sözlərinə görə, Bəhrəm Dəmirov Kürdəmir rayonundan Ucarın Küçəkənd kəndinə yas mərasiminə gəlibmiş. Hadisə də evə qayıdarkən baş verib.

Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.