REGİONLAR


Ucarda taxıl biçini kampaniyasına 32 kombayn cəlb olunub

Ucar, 1 iyun, AZƏRTAC

Ucar rayonunda taxıl biçini kampaniyasına başlanılıb.

Rayon Dövlət Aqrar inkişaf Mərkəzindən AZƏRTAC-ın bölgə müxbirinə bildirilib ki, cari ilin məhsulu üçün 14 min 414 hektar sahədə taxıl yetişdirilib. Bunun 6457 hektarı buğda, 7957 hektarı isə arpadır. Zəmilərə hüquqi və fiziki şəxslərə məxsus 32 kombayn çıxarılıb. İlkin olaraq daha tez yetişən arpa sahələri biçilir. İlk iki gündə 485 hektar zəminin məhsulu biçilib.

Biçin kampaniyası rayonun Təzə Şilyan, Boyat, Qəziyan, Qazıqumlaq və bir sıra digər ərazi icra nümayəndəliklərində daha mütəşəkkil aparılır. Bu mühüm strateji məhsulun vaxtında və itkisiz yığılması üçün bütün qüvvələr səfərbər edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.