Üçüncü rübdə SOCAR tərəfindən neft ixracı artıb

Bakı, 14 oktyabr, AZƏRTAC

Üçüncü rübdə SOCAR tərəfindən 4,5 milyon ton neft ixrac edilib ki, bu da ötən ilin müvafiq dövrü ilə müqayisədə 22 faiz yüksək nəticədir.

SOCAR-dan AZƏRTAC-a bildirilib ki, şirkət tərəfindən ixrac olunmuş xam neftin göstəriciləri həm Azərbaycan dövlətinə, həm də SOCAR-ın özünə məxsus xam neft həcmlərini əks etdirir. Ölkə üzrə ixrac olunan təbii qaz həcmləri daha çox – 48 faiz artırılaraq, 4,4 milyard kubmetr təşkil edib. Hesabat dövründə ölkə daxilində 2,4 milyard kubmetr qaz istehlak olunub ki, bu da ötən ilin müvafiq dövrü ilə müqayisədə 8 faiz çoxdur.