“Uilyams” komandası Nikolas Latifini heyətində saxlayacaq

Bakı, 18 avqust, AZƏRTAC

Formula 1 üzrə dünya çempionatında çıxış edən “Uilyams” komandasının pilotu Nikolas Latifi növbəti mövsümdə öz mövqeyini qoruyacaq.

AZƏRTAC xəbər verir ki, Corc Rasselin “Mercedes”ə mümkün keçidini nəzərə alsaq, komandanın rəhbərliyi daha bir perspektivli sürücüsünü əldən buraxmaq istəmir. Belə olan halda, “Uilyams” eyni vaxtda iki pilotdan məhrum ola bilər ki, bu da rəhbərliyə sərf etmir. Nəzərə alaq ki, Latifi “Uilyams”da böyük nüfuza malikdir.