Bakı, 12 fevral (AZƏRTAC). “Ukrayna Beynəlxalq Hava Yolları” aviaşirkəti (“Ukraine International Airlines”) Kiyev-Bakı-Kiyev marşrutu ilə birbaşa aviareyslərə başlayır.

AZƏRTAC aviaşirkətlərin saytına istinadla xəbər verir ki, ilk uçuş fevralın 13-də həyata keçiriləcəkdir. Uçuşlar “Boeing-737” tipli avialaynerlə yerinə yetiriləcəkdir.

“Ukrayna Beynəlxalq Hava Yolları” aviaşirkəti hazırda Cenevrə, London, Paris, Nitsa, Brüssel, Madrid, Barselona, Almatı, Dubay, Tel-Əviv, Lissabon, Amsterdam, Berlin, Tbilisi, Milan, Roma, Frankfurt, Sürix, Helsinki, Samara, Moskva və Vyanaya aviareyslər yerinə yetirir.