DÜNYA


Ukrayna DİN: Rusiya ordusunun atəşi nəticəsində 9400-dən çox dinc sakin həlak olub

Ukrayna DİN: Rusiya ordusunun atəşi nəticəsində 9400-dən çox dinc sakin həlak olub

Kiyev, 4 dekabr, AZƏRTAC

Rusiya ordusunun atəşi nəticəsində indiyədək 9400-dən çox ukraynalı dinc sakin həlak olub.

AZƏRTAC xəbər verir ki, bu barədə Ukrayna daxili işlər nazirinin birinci müavini Yevgeni Yenin bildirib. Məlumatı Ukrayna Daxili İşlər Nazirliyinin (DİN) saytı yayıb.

“Milli Polisin məlumatına görə, 9400-dən çox mülki şəxs həlak olub, 6800-ə yaxın insan yaralanıb. Onların arasında, təəssüf ki, uşaqlar da var - Rusiyanın Ukraynaya təcavüzü başlayandan bəri 461 uşaq ölüb”, - deyə Yenin bildirib.

Yeninin sözlərinə görə, Ukrayna qoşunlarının işğaldan azad etdiyi və düşmənin ən şiddətli atəşə tutduğu ərazilərdə polis yeni cinayətlər qeydə alır. Terror aktlarından mülki əhali əziyyət çəkir, ölənlərin sayı isə hər gün artır.

Rusiya Ukraynanın kritik infrastruktur obyektlərinə zərbələr endirməkdə davam edir. Hazırda ölkənin səkkiz regionunda 507 yaşayış məntəqəsində elektrik enerjisi verilmir. Ən çox zərər çəkən Xarkov vilayətidir, burada 112 yaşayış məntəqəsi enerjisiz qalıb. Donetsk və Xerson vilayətlərində 90-dan çox, Nikolayevdə 82, Zaporojyedə 76 və Luqansk vilayətində 43 məntəqədə elektrik enerjisi yoxdur.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.