DÜNYA


Ukrayna Prezidenti: Daxili İşlər naziri hələ sınaq müddətindədir

Kiyev, 10 oktyabr, AZƏRTAC

Ukraynanın Daxili İşlər naziri Arsen Avakov ilin sonuna kimi sınaq müddətindədir.

AZƏRTAC xəbər verir ki, bu barədə məlumatı Ukrayna Prezidenti Vladimir Zelenski bu gün keçirdiyi mətbuat konfransında verib.

Ukrayna Prezidenti Daxili İşlər Nazirliyində kadr dəyişikliyinə ehtiyac olduğunu söyləyərək deyib : "Avakova hər hansı vədim yoxdur. Onun sınaq müddəti var. Daxili İşlər Nazirliyində yeni simalar görmək istəyirik. Orada çox sayda yeni kadrlar var. Bütün nazirlərə demişəm, ilin sonuna qədər gördüyünüz real işləri gətirin, əgər olmasa, işdən çıxarılacaqsınız".

Qeyd edək ki, Vladimir Zelenski Ukraynanın yeni hökumətini formalaşdırarkən Daxili İşlər naziri A.Avakova yenidən etimad göstərib. Bu da Avakovdan narazı kütlənin qəzəbinə səbəb olub.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.