DÜNYA


Ukrayna Təhlükəsizlik Xidməti 13 əcnəbi jurnalistin bu ölkəyə gəlməsini qadağan edib

Kiyev, 13 may, AZƏRTAC

Ukrayna Təhlükəsizlik Xidməti (UTX) 13 əcnəbi jurnalistin bu ölkəyə gəlməsini qadağan edib.

AZƏRTAC xəbər verir ki, bu barədə Ukrayna Təhlükəsizlik Xidmətinin Telegram-kanalında açıqlanmış məlumatda deyilir: “Rusiya Federasiyasının Ukraynaya tammiqyaslı müdaxiləsi başlayandan bəri Ukrayna Təhlükəsizlik Xidməti Kremldəki təbliğatçılar üçün “sifarişli” materiallar hazırlayan və cəbhələrdən yanlış informasiya yayan xarici KİV-in 13 nümayəndəsini ifşa edib. UTX-nın materialları əsasında həmin jurnalistlərin 3 il müddətində Ukraynaya gəlməsi qadağan edilib”.

UTX daha sonra bildirir ki, son xüsusi əməliyyatlara dair məlumatlarda Rusiya Federasiyası xüsusi xidmətlərinin Krımdan rəhbərlik edilən şaxələndirilmiş agentura şəbəkəsi ifşa edilib. Məlumatda deyilir: “Həmin şəbəkəyə psevdojurnalistlər və öz işinə görə Rusiyalı kuratorlardan muzd alan qondarma “ekspertlər” daxil idi”.

 

Emil Hüseynli

AZƏRTAC-ın xüsusi müxbiri

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.