DÜNYA


Ukrayna Türkiyədən 12 pilotsuz uçuş aparatı alacaq

Bakı, 12 yanvar, AZƏRTAC

Ukrayna Prezidenti Petro Poroşenko Türkiyədən 12 pilotsuz uçuş aparatı (PUA) alınması haqqında sazişi imzalayıb.

AZƏRTAC xəbər verir ki bu barədə Anadolu agentliyi məlumat yayıb.

“Prezident Rəcəb Tayyib Ərdoğanla razılaşdığımız kimi, Ukrayna ordusu üçün Türkiyənin Bayraktar TB2 pilotsuz uçuş aparatlarının satın alınmasına dair saziş imzalanıb”, - Poroşenko şənbə günü özünün Facebook səhifəsində belə yazıb. Dövlət başçısının sözlərinə görə, bu müqavilə Ukrayna və Türkiyə arasında hərbi-texniki əməkdaşlıq üzrə tədbirlərin bir hissəsidir.

Bayraktar TB2 Türkiyənin özəl kompaniyaları tərəfindən işlənib hazırlanmış kəşfiyyat uçuş aparatıdır. Türk proqram və elektron təminatı ilə təchiz olunmuş PUA-nın maksimal uçuş kütləsi 650 kiloqram təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.