ELM VƏ TƏHSİL


Ukrayna nəşri soydaşımız Arif Quliyevin 70 illik yubileyinə dair məqalə dərc edib

Kiyev, 4 iyul, AZƏRTAC

Ukraynanın nüfuzlu “Kiyev Diplomatik” jurnalında “Ukrayna Azərbaycanlıları Alimlər Şurası” ictimai təşkilatının sədri, hüquq elmləri doktoru, professor Arif Quliyevin 70 illik yubileyi ilə bağlı geniş məqalə dərc edilib.

AZƏRTAC xəbər verir ki, məqalədə soydaşımız Arif Quliyevin keçdiyi yol, elmin inkişafında, Ukrayna və Azərbaycan münasibətlərinin möhkəmlənməsində göstərdiyi xidmətlər barədə geniş məlumat verilib: “Rəhbər məsuliyyətdir, seçilmişlərin missiyasıdır, vəzifə və şərəfdir. Uğurlu karyera qurmaq üçün Arif Quliyev çoxlu fədakarlıqlar etməli oldu, özünü öyrənmək və başqalarını öyrətmək, insanlara kömək etmək, bəzən də xilas etmək, lider adına layiq olduğunu sözü ilə, əməli ilə sübut etdi”.

Məqalədə ümummilli lider Heydər Əliyevin göstərdiyi xidmətlər nəticəsində Arif Quliyev kimi yüzlərlə alimin yetişdiyi vurğulanıb. Bu gün də Azərbaycan Prezidenti İlham Əliyevin elmin inkişafında uğurlu siyasət yeritdiyi qeyd olunub.

Emil Hüseynli

AZƏRTAC-ın xüsusi müxbiri

Kiyev

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.