Ukrayna pilotsuz döyüş təyyarəsinin sınaqlarının yekun mərhələsinə başlayıb

Kiyev, 4 dekabr, AZƏRTAC

Ukraynada pilotsuz döyüş təyyarəsinin sınaqlarının yekun mərhələsinə başlanılıb.

AZƏRTAC xəbər verir ki, bu barədə “Ukroboronprom” dövlət konsernin mətbuat katibi Nataliya Sad məlumat verib.

“Bir sıra uğurlu sınaqlar arxada qaldı. Biz elektron mübarizə üzrə sınaq mərhələsinə keçirik. Ümid edirik ki, onu döyüşlərdə də görə biləcəyik”, - deyə Sad bildirib.

Pilotsuz təyyarənin 75 kiloqram döyüş başlığı daşıya biləcəyi və 1000 kilometrə qədər uçuş məsafəsinə malik olacağı proqnozlaşdırılır.

Emil Hüseynli

AZƏRTAC-ın xüsusi müxbiri

Kiyev