DÜNYA


Ukrayna və İrlandiya arasında ərzaq təhlükəsizliyi və enerji məsələləri müzakirə edilib

Kiyev, 7 iyul, AZƏRTAC

Ukrayna Prezidenti Volodimir Zelenski Kiyevə ilk dəfə səfər edən İrlandiyanın Baş naziri Mixol Martin ilə görüşüb.

AZƏRTAC xəbər verir ki, Ukrayna Prezidenti M.Martinlə görüşməyinə şad olduğunu bildirib.

“Təşəkkür edirəm ki, İrlandiya dövlətimiz üçün bu mühüm məqamda yanımızdadır. Qeyd edək ki, bu, ikitərəfli münasibətlər tarixində İrlandiyanın baş nazirinin Ukraynaya ilk səfəridir”,- deyə V.Zelenski teleqram səhifəsində yazıb.

Görüşdən sonra keçirilən birgə brifinqdə V.Zelenski bildirib ki, M.Martinlə ərzaq təhlükəsizliyi, enerji, Rusiya Federasiyasına qarşı sanksiyalar və Ukraynanın müharibədən sonrakı bərpası məsələləri müzakirə edilib.

“Bu gün Baş nazirlə danışıqlarda biz təhdidlərə qarşı birgə cavablarımızı, xüsusən də ərzaq təhlükəsizliyi, o cümlədən enerji məsələləri və Rusiya Federasiyasına qarşı yeni yeddinci sanksiyalar paketinin hazırlanmasını müzakirə etdik”, - deyə V.Zelenski əlavə edib.

Xatırladaq ki, M.Martin səfər çərçivəsində müharibə dönəmində ən çox dağıntıya məruz qalan Buça, İrpen və Borodyankada olub.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.