DÜNYA


Ukraynada ilin əvvəlindən koronavirusdan ölənlərin sayında antirekord qeydə alınıb

Kiyev, 21 yanvar, AZƏRTAC

Ukraynada son sutka ərzində 5583 nəfər COVID-19-a yoluxub, 241 nəfər isə bu xəstəlikdən həyatını itirib. Koronavirusdan ölüm faktı bu ilin ən yüksək göstəricisi kimi qeydə alınıb.

AZƏRTAC xəbər verir ki, bu barədə ölkənin səhiyyə naziri Maksim Stepanov bildirib.

Koronavirusa yeni yoluxan xəstələrin 173-ü uşaq, 229-u tibb işçisidir.

Yanvarın 20-nə olan vəziyyətə görə, Ukraynada 1 milyon 177 min 621 yoluxma faktı təsdiqlənib. Xəstələnənlərdən 914 min 730 nəfər müalicə olunaraq sağalıb. Pandemiya dövründə koronavirusdan ölənlərin sayı 21 min 499 nəfərə çatıb.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.