DÜNYA


Ukraynada koronavirusa yoluxmada yeni antirekord müəyyən edilib

Kiyev, 28 noyabr, AZƏRTAC

Ukraynada koronavirusa yeni yoluxma hallarında əhəmiyyətli artım müşahidə edilib – 16.294 fakt. Bu, COVID-19 xəstəliyi üzrə yeni rekorddur. Daha çox yoluxma Dnepropetrovsk, Zaporojye, Kiyev vilayətlərində və Kiyevdə qeydə alınıb.

AZƏRTAC xəbər verir ki, bu barədə Ukrayna Səhiyyə Nazirliyinin başçısı Maksim Stepanov bildirib.

Son sutka ərzində daha çox yoluxma Kiyevdə (1.739), Dnepropetrovskda (1.599), Odessada (1.350), Zaporojyedə (1.739) və Sumı (1.013) vilayətlərində qeydə alınıb.

Dünən COVID-19 xəstəliyindən 8.897 nəfər sağalıb, 184 nəfər isə ölüb. Dünən, həmçinin 1.639 nəfər koronavirusa yoluxma diaqnozu ilə xəstəxanaya yerləşdirilib.

Pandemiya başlanandan Ukraynada 709.701 yoluxma faktı təsdiqlənib. Bunlardan 335.135-i sağalanların, 12.093-ü ölüm hallarının payına düşür. Ümumilikdə 4.419.791 testləşdirilmə aparılıb.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.