DÜNYA


Ukraynada son sutkada koronavirusdan ölüm hallarında antirekord qeydə alınıb

Kiyev, 20 oktyabr, AZƏRTAC

Ukraynada son sutkada koronavirusdan ölənlərin sayında antirekord qeydə alınıb.

AZƏRTAC Ukrayna Səhiyyə Nazirliyinə istinadla xəbər verir ki, ötən gün ölkədə 113 nəfər koronavirusdan həyatını itirib. Bunlardan 17-si Kiyev şəhərinin payına düşür. Bununla da bu infeksiyadan ölənlərin ümumi sayı 5786 nəfərə çatıb ki, onların 75 faizi 60 yaşdan yuxarı olan insanlardır.

Ötən gün ölkədə 5469 nəfər koronavirusa yoluxub. Bununla da pandemiya dövründə Ukraynada 309 min 107 nəfər bu virusa yoluxub. Ən çox yoluxma halları Kiyev, Odessa, Dnepropetrovsk və Xarkov vilayətlərində qeydə alınıb.

Qeyd edək ki, Ukraynada koronavirusla bağlı vəziyyət pisləşdiyindən karantin müddəti dekabrın 31-dək uzadılıb və karantin şərtləri sərtləşdirilib.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.