DÜNYA
Ukraynada yol qəzalarında hər sutkada 8 nəfər ölür
Kiyev, 15 noyabr, AZƏRTAC
Bu ilin 9 ayında Ukraynada 108 min yol nəqliyyat hadisəsi baş verib ki, nəticədə 2266 nəfər ölüb.
AZƏRTAC-ın Ukrayna Patrul Polisinə istinadla verdiyi məlumata görə, bu il Ukraynada sutkada 396 yol qəzası baş verib və 8 nəfər ölüb.
Faktiki olaraq hər 3 saatda bir ukraynalı yol qəzasında ölür. Hesabat dövründə yol qəzaları zamanı 22394 nəfər xəsarət alıb. Ukrayna yol qəzalarında ölüm və xəsarət faktlarına görə Avropada ən yüksək göstəricilərə malikdir.
Qeyd edək ki, Ümumdünya Səhiyyə Təşkilatının məlumatına görə, hər il dünyada 1 milyon 300 mindən çox insan yol qəzalarında ölür. 20-50 milyon arasında insan isə xəsarət alır.
Emil Hüseynli
AZƏRTAC-ın xüsusi müxbiri
Kiyev