İDMAN


Ukraynalı Aleksandr Usik 2018-ci ilin ən yaxşı boksçusu seçilib

Bakı, 23 yanvar, AZƏRTAC

Dünya Boks Şurası (WBC) ukraynalı Aleksandr Usiki 2018-ci ilin ən yaxşı boksçusu seçib.

AZƏRTAC xəbər verir ki, bu barədə təşkilatın mətbuat xidməti məlumat yayıb.

2018-ci ildə A.Usik keçirdiyi üç görüşü qələbə ilə başa vurub. Ukraynalı yanvarda Dünya Boks Super Seriyasının (WBSS) yarımfinalında latviyalı Mairis Briedis üzərində qələbə qazanıb. Boksçu iyulda turnirin finalında rusiyalı Murat Qassiyevi məğlub edərək WBSS kubokuna sahib olub. İdmançı Dünya Boks Şurasının (WBC), Dünya Boks Təşkilatının (WBO), Dünya Boks Assosiasiyasının (WBA) və Beynəlxalq Boks Federasiyasının (IBF) dünya çempionu titullarını qazanıb.

Noyabrda ukraynalı idmançı britaniyalı Toni Belleylə döyüşdə kəmərlərini qorumağı bacarıb. Səkkizinci raundun ikinci dəqiqəsində Usik rəqibini nokaut edib.

Otuz iki yaşlı ukraynalı boksçunun peşəkar rinqdə 16 qələbəsi (12 nokaut) var.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.