DÜNYA


Ukraynalıların 88 faizi Ali Radanın buraxılması barədə ideyanı dəstəkləyir

Bakı, 14 iyun, AZƏRTAC

Ukraynalıların təxminən 90 faizi ölkə Prezidenti Vladimir Zelenskinin Ali Radanın buraxılması və növbədənkənar parlament seçkilərinin keçirilməsi barədə ideyasını dəstəkləyir.

AZƏRTAC Ukrayna KİV-lərinə istinadla xəbər verir ki, bu barədə məlumat “Reytinq” sosiologiya qrupunun apardığı sorğunun nəticələrində öz əksini tapıb.

2019-cu il iyunun 8-12-də 2500 ukraynalı arasında keçirilən sosioloji sorğunun nəticələrinə əsasən, son ay ərzində ölkədə növbədənkənar parlament seçkilərinin keçirilməsi tərəfdarlarının sayı 72 faizdən 88 faizə yüksəlib.

Respondentlərin 67 faizi yeni seçiləcək parlamentin indikindən daha effektiv olacağını hesab edir. Rəyi soruşulanların yarıdan çoxu isə prezidentin Radanı buraxmaq barədə fərmanının həm konstitusiyaya, həm də vətəndaşların əhval-ruhiyyəsinə uyğun olduğunu bildirib. Sosioloqların məlumatına görə, sorğuda iştirak edənlərin 63 faizi Ukrayna Konstitusiya Məhkəməsinin fərmanı qanunsuz sayacağı təqdirdə belə, seçkilərin növbədənkənar keçirilməsini vacib sayır.

Xatırladaq ki, Ukrayna Prezidenti Vladimir Zelenski mayın 20-də keçirilmiş inauqurasiyası zamanı parlamentin buraxılacağını elan edib. Növbəti gün o, hazırkı çağırış Ali Radanın işinin dayandırılması barədə müvafiq fərman imzalayıb və iyulun 21-nə növbədənkənar parlament seçkiləri təyin edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.