DÜNYA


Ukraynanın Lvov şəhəri 2017-ci ildə turizmdən 600 milyon avrodan çox vəsait qazanıb

Kiyev, 13 yanvar, AZƏRTAC

Ukraynanın Lvov şəhərinə 2017-ci ildə 2,6 milyon turist səfər edib.

AZƏRTAC xəbər verir ki, Lvov şəhər Administrasiyasının turizm idarəsinin statistikasına görə, ötən il Lvov şəhəri turistlərin hesabına 615 milyon avro qazanıb.

Ötən il Lvov şəhərinə daha çox Polşa, Belarus, Türkiyə, Almaniya, ABŞ, Litva, Böyük Britaniya, Çexiya və Kanada ölkələrindən turistlər gəlib.

Məlumata görə, hər turist gün ərzində orta hesabla 75 avro xərcləyib və ən azı 4-5 gün qalıb. 2018-ci ilin ilk iki həftəsində Lvova təxminən 250 min turist səfər edib.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.