İQTİSADİYYAT


Ukraynanın energetika və kömür sənayesi naziri Azərbaycanın Energetika Nazirliyində olub

Bakı, 8 sentyabr (AZƏRTAC). Avropa İttifaqının “Şərq Tərəfdaşlığı” ölkələrinin energetika nazirlərinin sentyabrın 8-də Bakıda keçirilən dördüncü qeyri-rəsmi görüşü çərçivəsində Azərbaycan Respublikasının energetika naziri Natiq Əliyev Ukraynanın energetika və kömür sənayesi naziri Yuriy Prodanla görüşüb.

Nazirliyin mətbuat xidmətindən AZƏRTAC-a bildiriblər ki, görüşdə Avropa İttifaqının “Şərq Tərəfdaşlığı” ölkələrinin energetika nazirlərinin qeyri-rəsmi görüşlərinin əhəmiyyəti vurğulanıb, bu tədbirin, eyni zamanda, ikitərəfli əlaqələrin müzakirəsi baxımından yaxşı imkan yaratdığı qeyd olunub. Həmçinin siyasi münasibətlərlə yanaşı, iqtisadi sahədə də əməkdaşlığın genişləndirilməsinin zəruriliyi diqqətə çatdırılıb.

Görüşdə ölkələrimizin beynəlxalq təşkilatlar çərçivəsində əməkdaşlığı ilə bağlı məsələlər, eləcə də nəqliyyat, təhlükəsizlik, enerji sahələrində əlaqələrin inkişaf perspektivləri ətrafında geniş fikir mübadiləsi aparılıb. Qarşılıqlı səfərlərin, biznes strukturları arasında görüşlərin təşkil edilməsinin önəmindən bəhs olunub.

Görüşdə “Ukrayna Neftoqaz” şirkəti idarə heyətinin sədri Andrey Kobolev, Ukraynanın Azərbaycandakı səfiri Aleksandr Mişenko və digər rəsmi şəxslər iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.