SİYASƏT


Ukraynanın nüfuzlu KİV-i Azərbaycan Ordusunun keçirdiyi “Qisas” cavab əməliyyatına geniş yer ayırıblar

Kiyev, 4 avqust, AZƏRTAC

Ukraynanın nüfuzlu informasiya agentlikləri, xəbər portalları Azərbaycan Ordusu bölmələrinin keçirdiyi “Qisas” cavab əməliyyatı haqqında geniş məlumat yayıb.

AZƏRTAC xəbər verir ki, “Ukrinform”, “RBK-Ukrayna”, “UNİAN“, İnterfaks-Ukrayna” informasiya agentlikləri, “Gordon” nəşri, “Korrespondent”, “Obozrevatel”, “TCN” və digər onlarla xəbər portallarında dərc edilən məqalələrdə Azərbaycan Müdafiə Nazirliyinin “Qisas” cavab əməliyyatı haqqında rəsmi məlumatı yayımlanıb. Məqalələrdə qeyd olunur ki, Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri 10 noyabr 2020-ci il tarixli Bəyanatının müddəalarını kobud surətdə pozaraq avqustun 3-də Azərbaycan Ordusunun bölmələrinə qarşı terror-təxribat əməli törədib. Terror-təxribat nəticəsində hərbi qulluqçumuz şəhid olub. Azərbaycan Ordusu bölmələrinin keçirdiyi “Qisas” cavab əməliyyatı nəticəsində Qırxqız yüksəkliyi, həmçinin Kiçik Qafqaz dağ silsiləsinin Qarabağ silsiləsi boyu Sarıbaba və bir sıra digər əhəmiyyətli hakim yüksəkliklər nəzarətə götürüb. Hazırda bölmələrimiz tərəfindən əlverişli hədlərdə yeni mövqelərin qurulması və təminat yollarının çəkilməsi üzrə mühəndis işləri görülür.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.