İQTİSADİYYAT


Ukraynanın vaqon tikintisi zavodu Azərbaycana müasir yük və sərnişin vaqonları təklif edir

Bakı, 12 iyun, AZƏRTAC

Ukraynanın Kryukov vaqon tikintisi zavodu ölkənin nəqliyyat vasitələrinin və dəmiryolu vaqonlarının istehsalı sahəsində qabaqcıl yerlərdən birini tutur. Belə ki, müəssisənin illik gücü 12000 yük və 300 sərnişin vaqonu təşkil edir.

AZƏRTAC xəbər verir ki, bu barədə XVII Xəzər Beynəlxalq Nəqliyyat, Tranzit və Logistika sərgisinin iştirakçısı Ukraynanın Kryukov vaqon tikintisi zavodunun şöbə müdiri Sergey Klimenko bildirib.

O qeyd edib ki, təmsil etdiyi qurum Azərbaycanın dəmir yolu, eləcə də Bakı metropoliteni ilə əməkdaşlıq etməyə hazırdır. Bu baxımdan zavod sözügedən təşkilatlara yüksək standartlara malik müasir sürətli sərnişin və yük vaqonları, elektrik və dizel qatarları təklif edir.

S.Klimenko, həmçinin əlavə edib ki, Azərbaycan və Ukrayna arasında Azərbaycan ərazisində yük vaqonlarının birgə istehsalı ilə bağlı təklif irəli sürülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.