CƏMİYYƏT


Ukraynanın xəbər portalında Ümummilli Liderin anadan olmasının 99-cu ildönümü münasibətilə məqalə dərc edilib

Kiyev, 12 may, AZƏRTAC

Ukraynanın “Asmedia” xəbər portalında ümummilli lider Heydər Əliyevin anadan olmasının 99-cu ildönümü münasibətilə məqalə dərc edilib.

AZƏRTAC xəbər verir ki, Kiyev Milli Texnologiya və Dizayn Universitetinin magistri Nəcmiyyə Zeynalzadənin məqaləsində Ulu Öndərin müstəqil Azərbaycan dövlətinin müasir və müstəqil Azərbaycanın memarı və yaradıcısı kimi xidmətlərindən bəhs edilib.

Məqalədə Ümummilli Liderin dövlət institutlarını təkmilləşdirdiyi və xarici əlaqələri genişləndirdiyi qeyd olunur. Həmçinin bildirilir ki, Ulu Öndərin həyata keçirdiyi uğurlu enerji strategiyası sayəsində Azərbaycanın uzunmüddətli inkişafının əsası qoyulub.

Vurğulanır ki, Ümummilli Liderin Azərbaycan dövlətçiliyinin möhkəmləndirilməsinə yönəlmiş strategiyası bu gün onun layiqli davamçısı Prezident İlham Əliyev tərəfindən uğurla davam etdirilir.

Müəllif qeyd edir ki, Azərbaycan sürətlə inkişaf edən, iqtisadiyyatda yüksək artıma nail olan, sabit siyasi sistemə malik gənc demokratik ölkədir. Azərbaycan iqtisadi və siyasi imkanlarından məharətlə istifadə edərək öz milli maraqlarını həyata keçirməklə yanaşı, regional və qlobal mövqelərini möhkəmləndirir. Azərbaycan regionda lider, beynəlxalq aləmdə etibarlı tərəfdaş kimi tanınır.

Məqalədə Azərbaycan-Ukrayna münasibətlərinə də toxunulub.

 

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.