MƏDƏNİYYƏT


“Ulduz” jurnalının yeni nömrəsində...

Bakı, 17 iyul, AZƏRTAC

Azərbaycan Yazıçılar Birliyinin orqanı olan “Ulduz” jurnalının növbəti nömrəsi işıq üzü görüb.

AZƏRTAC xəbər verir ki, jurnalın iyun buraxılışı Qəşəm Nəcəfzadənin dərginin ötən buraxılışı haqqındakı “Ulduz”lu səhərlərə salam...” adlı ekspert yazısı ilə açılır.

Adilə Nəzər “özüylə söhbəti...”ni və “Nəsimi yaradıcılığında dil və üslub təfəkkür vasitəsi kimi” yazısını təqdim edir. “Şeir vaxtı”nda Tural Turan, Afaq Şıxlıdır. Oxucular “Nəsr”də Taleh Mansur, Bahəddin Salman, Pərviz Axund və Zəka Vilayətoğlunun hekayələrini oxuya biləcəklər. Fərid Hüseyn “Şər və Ab” yazısını təqdim edir. Bundan başqa, Emil Rasimoğlunun “Ağrılar sevdalısı”, Nizami Tağısoyun "Qloballaşma və ədəbiyyatımızın çağdaş durumu”, “Söz” yaradıcılıq birliyinin təqdimatı yazıları da bu nömrədə yer alıb. Cəlal Məmmədov “Qısa fikirlər xəzinəsi”ndə dünyanın tanınmış dühalarının qısa fikirlərini təqdim edir.

“Tərcümə saatı”nda Zeynəb Əliqızı Vasili Şukşinin “İmtahan” hekayəsiylə oxucuların görüşünə gəlib. “Debüt”də Gülay Tahirlidir. “Tribuna”da Firuz Mustafa Salih Qurtuyevin ədəbi bioqrafiyasından söz açır. “Sorağı gəlməyən”lərin qonağı Agasəfadır. “Dərgidə kitab”da “Yıxılmağı sevirdim” “kitabı” ilə Furqandı.

Bu dəfə “Ulduz” “Ulduzlu nəşrlər” seriyasından AZƏRTAC-ın əməkdaşı, yazıçı-tərcüməçi Məmməd Məmmədlinin ispancadan tərcümə etdiyi “Ay işığı” hekayələr kitabını oxuculara hədiyyə edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.