CƏMİYYƏT


Ulu Öndərin anadan olmasının ildönümü münasibətilə ağacəkmə aksiyası keçirilib

Bakı, 9 may, AZƏRTAC

10 may - ümummilli lider Heydər Əliyevin anadan olmasının 98-ci ildönümü münasibətilə “Azərbaycan Sənaye Korporasiyası” ASC-nin təşəbbüsü ilə Bakı-Salyan şosesinin 23-cü kilometrliyində ağacəkmə aksiyası keçirilib.

ASC-dən AZƏRTAC-a bildirilib ki, Ulu Öndərin doğum gününə həsr olunmuş aksiyada “Azərbaycan Sənaye Korporasiyası” ASC-nin baş direktoru Kamran Nəbizadə, digər vəzifəli şəxslər və korporasiyanın törəmə müəssisələrinin kollektivləri də iştirak ediblər.

Ümummilli lider Heydər Əliyevin ölkəmizdə ekologiyanın qorunması ilə bağlı əsasını qoyduğu ənənə bu gün Prezident İlham Əliyev tərəfindən uğurla davam etdirilir. Nəticədə ölkə rəhbərliyinin yeni yaşıllıqların salınması ilə bağlı tövsiyə və göstərişlərinə uyğun olaraq ətraf mühitin mühafizəsi işində ictimai nəzarətin gücləndirilməsi və yaşıllıqların qorunması milli inkişaf strategiyasının prioritet sahələrindən birinə çevrilib.

Ulu Öndərin əbədi xatirəsinə həsr olunmuş bu aksiya çərçivəsində “Azərbaycan Sənaye Korporasiyası” ASC və törəmə müəssisələrin kollektivləri tərəfindən ümumən 1000 ədəd ağac əkilib. Bakı-Salyan şosesinin 23-cü kilometrliyində 500 ədəd və Gəncə Alüminium Kompleksinin ərazisində 500 ədəd olmaqla əkilən bu ağaclar ekoloji durumun yaxşılaşdırılması, yaşıllıqların artırılması, ağac əkilməsinin təşviqi, insanlar arasında ekoloji mədəniyyət və təbiətə qayğı hissinin təbliği baxımından əhəmiyyət daşıyır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.