REGİONLAR


Ulu öndər Heydər Əliyev Yeni Azərbaycan Partiyasının qurucusudur

Ağsu, 7 may, AZƏRTAC 

Yeni Azərbaycan Partiyası Ağsu rayon təşkilatının ümummilli lider Heydər Əliyevin anadan olmasının 96-cı ildönümünə həsr edilən yığıncağı keçirilib.

AZƏRTAC-ın bölgə müxbiri xəbər verir ki, yığıncaq iştirakçıları əvvəlcə Heydər Parkına gələrək Yeni Azərbaycan Partiyasının təsisçisi, müasir müstəqil Azərbaycanın qurucusu və memarı Heydər Əliyevin abidəsini ziyarət edib, önünə güllər düzüblər.

“Heydər Əliyev Yeni Azərbaycan Partiyasının qurucusudur” mövzusundakı məruzədə və çıxışlarda vurğulanıb ki, xalqın təkidi ilə ikinci dəfə siyasi hakimiyyətə gələn Ümummilli Liderin işləyib hazırladığı dövlətçilik, quruculuq və inkişaf konsepsiyası qısa vaxtda ölkə həyatının bütün sahələrində dönüş yaradaraq hərtərəfli sosial-iqtisadi inkişafın əsasını qoyub.

Vurğulanıb ki, görkəmli dövlət xadiminin müəyyənləşdirdiyi inkişaf xətti bu gün Ulu Öndərin layiqli davamçısı Prezident İlham Əliyev tərəfindən uğurla davam etdirilir. Azərbaycan xarici iqtisadi əlaqələrini daha da genişləndirilib, regional layihələrin lider tərəfdaşına çevrilib.

Məruzə və çıxışlarda Yeni Azərbaycan Partiyasının bu gün ölkəmizin ictimai-siyasi, sosial-iqtisadi həyatında aparıcı qüvvə olduğu diqqətə çatdırılıb. Habelə partiyanın kiçik bir dəstəsi olan, öz sıralarında 5601 nəfəri birləşdirən YAP Ağsu rayon təşkilatının bölgə həyatındakı fəaliyyətindən də geniş danışılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.