CƏMİYYƏT


Umayra Tağıyeva: Gün ərzində respublika ərazisində əlverişsiz hava şəraiti davam edəcək

Bakı, 24 fevral, AZƏRTAC

Azərbaycana çox soyuq hava kütlələrinin daxil olması nəticəsində ölkə ərazisində hava şəraiti kəskin dəyişib. Demək olar ki, respublikanın əksər rayonlarında qar yağıb. Bakıda və Abşeron yarımadasında əmələ gələn qar örtüyünün hündürlüyü 5 santimetrə yaxınlaşıb. Ən çox qar Böyük Qafqazın rayonlarında qeydə alınıb. Burada əmələ gələn qar örtüyünün hündürlüyü yarım metrə çatıb. Bu proses güclü külək və çovğunla müşahidə olunub. Küləyin maksimal sürəti rayonlarda saniyədə 28, Bakıda və Abşeron yarımadasında 25-28 metrə çatıb. Bu da açıq dənizdə dalğanın hündürlüyünün 6 metrə qədər yüksəlməsinə səbəb olub.

AZƏRTAC xəbər verir ki, bunu Milli Hidrometeorologiya Xidmətinin rəisi Umayra Tağıyeva deyib.

Onun sözlərinə görə, gün ərzində respublika ərazisində əlverişsiz hava şəraiti davam edəcək. Fasilələrlə qar yağacaq. Bəzi rayonlarda intensiv olacaq. Fevralın 25-i səhər saatlarından başlayaraq proses səngiyəcək, yağıntılar tədricən kəsiləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.