İDMAN


Ümumdünya Şahmat Olimpiadası: Myanma, Livan, Kipr komandaları liderliklərini davam etdirirlər

Bakı, 27 iyul, AZƏRTAC

Ümumdünya Şahmat Olimpiadasının baza divizionunda ikinci günün yarışları keçirilib.

AZƏRTAC FIDE-nin saytına istinadla xəbər verir ki, yarışın A qrupunda Myanma, B qrupunda Livan, C qrupunda isə Kipr komandası liderliklərini davam etdirirlər. Komandaların hər birinin aktivində 12 xal var.

Bu gün baza divizionunda seçmə xarakteri daşıyan ilkin mərhələnin sonuncu gününün yarışları keçiriləcək. Turnirdə A, B və C qruplarının hər birində 10 komanda olmaqla, ümumilikdə 30 kollektiv mübarizə aparır.

Baza divizionunda seçmə yarışların növbəti mərhələsi iyulun 29-dan 31-dək keçiriləcək.

Turnirə, ümumilikdə 163 komanda qatılıb. Ən güclü komandalar, o cümlədən Azərbaycan şahmatçıları top divizionda mübarizə aparacaqlar. Bu nüfuzlu yarışda ölkəmizi Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva təmsil edirlər. Olimpiada avqustun 30-dək davam edəcək.

Xatırladaq ki, Ümumdünya Şahmat Olimpiadası ilk dəfə 1927-ci ildə Londonda keçirilib. Yarış 1950-ci ildən başlayaraq iki ildən bir təşkil olunur. Azərbaycan 2016-cı ildə 42-ci Ümumdünya Şahmat Olimpiadasına ev sahibliyi edib. Sonuncu – 43-cü Olimpiada Batumidə təşkil olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.