İDMAN


Ümumdünya Şahmat Olimpiadasının üçüncü turunda Azərbaycan şahmatçıları Sloveniya və İngiltərə komandaları ilə qarşılaşırlar

Bakı, 26 sentyabr, AZƏRTAC

Sentyabrın 26-da Gürcüstanın Batumi şəhərində 43-cü Ümumdünya Şahmat Olimpiadasının üçüncü turu keçirilir.

AZƏRTAC xəbər verir ki, bu turda Azərbaycanın kişi şahmatçılardan ibarət yığması Sloveniya komandası ilə qarşılaşır. Şahmatçılarımızın rəqibləri müəyyənləşib. Şəhriyar Məmmədyarov Yuri Boriseklə, Arkadi Naydiç Matey Sebeniklə, Rauf Məmmədov Yuri Skobernelə, Eltac Səfərli isə Boris Markoja ilə görüşürlər.

Qadın şahmatçılarımız isə İngiltərə komandası ilə yarışırlar. Günay Məmmədzadə - Yovanka Xouska, Zeynəb Məmmədyarova – Akşaya Kalayalaxan, Xanım Balacayeva – Daqne Çuksite və Gülnar Məmmədova – Lüsi Xead qarşılaşmaları keçirilir.

Xatırladaq ki, Azərbaycanın kişi şahmatçılardan ibarət yığması ikinci turda İtaliya komandasına 3:1 hesabı ilə qalib gəlib, qadın şahmatçılarımız isə belçikalı rəqiblərini 4:0 hesabı ilə məğlub ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.